你想移民嗎？

近期很多人講移民，其實由上年社會事件開始都多了很多人講移民。我有很多朋友，他們都係「講」移民，不過真係得過講，只有一個曾經找了移民公司問問，沒有一個會真正實行⋯⋯

最近在啊壽TG 內，有朋友分享了一個有關移民的YouTuber，因為我本身已經移居，所以對移民方法沒有太大興趣，但我發現該YouTuber從事金融行業，亦同時分享稅務和投資，而且分析得好好，所以我也看看他的移民方案的分享，覺得幾有趣而且實用，所以有想過移民的朋友不妨看看 -->阿豬移民日記

對於移民，我都有少少東西可以隨心分享。我曾經住過日本數年，現在係歐洲某個窮小國生活（以前的文章曾提及過那裏，不過私人問題，最後Delete了，如果你知道便算了😅）我很明白有種心情係：想離開香港，但唔肯定自己能否適應外地生活，唔肯定夠唔夠錢使，外言能力太差等⋯⋯我也曾經面對這些問題，但我發現有些事情係可以試下的，而且使費不用太大。不過，唯一放棄的就是香港的工作。

做學生

以日本為例，我看到有些外國人在日本移居/移民的經驗，佢哋唔係靠錢用投資移民，而係用學生身份到日本的學校讀書一至兩年左右。讀日文係最直接，唔理你係30定40歲，你有錢俾學費便可以，申請學生簽證，目的就係先去當地，慢慢學習語言和文化，而由於讀書期間，很容易接觸到當地社群，一開始可能做義工，之後找Part time 甚至正社員； 怕工作壓力太大？其實你唔一定要去大阪東京等大城市，很多二三線城市甚至鄉郊都有機會，當然也要看看運氣。我在日本生活，曾經到幼稚園教英文 （我英文會考得D😳），又到過工廠做搬運😂😂！  你唔怕放下身段的話，其實這是很好的體驗。反正人工足夠支持大學宿舍房租和日常生活。

我覺得用學生身份，試下外地生活如何，成本較低（尤其住宿社）和容易（學校通常有外國學生的支援），又可以增值自己。最多都係蝕左學費和香港工作的機會成本，但起碼係一種較快的途徑去外國生活作出嘗試，而且用學生簽證，係可以帶埋配偶一齊去。可能你會想，依家先來讀書會唔會太遲和樣衰？答案係：唔會。因為我見不少外國學生（包括西人甚至大陸人）都係在自己的國家工作了一段時間後，想再進修或體驗外國生活便去讀書，佢地年齡有30至40歲不等，當然我唔肯定係唔係間間學校都係這樣。

做義工

過了申請Working Holiday Visa的年齡限制？不怕，你可以用義工身份到外地做義工，不過由於你係用旅客的身份到外地做義工，存在灰色地帶，過關時一定唔可以話自己到當地做義工，只可以話探朋友和旅遊，當然可能有機構是可以安排你合法地到外國做義工，但我不是討論這個。

我曾經到過歐洲和日本當了數個月農場義工，亦因為這樣使我愛上農務和結識了日本朋友並使我有機會到日本生活。我當時係用呢個網 https://wwoof.net/ 找義工。首先找你想去的國家，然後再找你想的工作類型（要俾錢做會員，約HKD200-300），雖然話就話係Organic、農場等工作，但其實有一些地方係做酒店、Waiter、廚房等的工作，可能你會話俾錢幫人打工？係無錯，不過如果你以「玩」和「體驗」或「結交朋友」的心態去做這些工作，你得到嘅會好唔同，而且這些義工係製造機會俾自己，如果你結識到當地人，並連結到人際關係，分分鐘可以安排你到當地正式工作。試下外國生活、工作的情況如何，是否適合自己。時間不用長，可以選擇一星期至一兩個月不等！當然最重要本身要有定少少積蓄過去，最壞情況便當長期外地旅遊。

當然依家疫情嚴重😠😠，想入國都幾難，但做定準備，等待情況好轉就即時行動。😈