學習財務報表? 買邊間公司的債券好呢？

睇過唔同blogger 講有關投資債券的文章(見連結)，包括債券的定義、債券評級、買賣流程、如何㨂債，便後悔為何自己沒有早些參與投資債券。

因為債券由買入開始每日計息，而且其定期派息及到期償還本金的特性(假此公司沒有破產😏) 十分適合我這類需要依靠利息收入維持生活的人。

但是，除了睇信貸評級機構對所選擇的債券評級如何外，點樣才可以買入較穩陣的債券呢？我要求的所選擇的債券能俾到年利率約6% (以到期收益率 Yield to Maturity計算)。可是，這些債券大多是垃圾債券，聽到「垃圾債券」呢個字，唔使上google 查都知係高風險高回報的意思。如果買有較高評級的債券，其到期收益率又得2.X%左右甚至更低，達唔到我的要求。One coin has two sides！我唯有分散投資，買多幾隻債券，希望逹至分散風險。我買債券係諗住持有至到期，收息為主，只要公司沒有破產，理論上它的盈利如何，只要財務狀況穩定，都可以達到我的要求。

可是，最基本的問題係點樣先可以評估該公司的財務狀況是否穩定呢？風兄的「懶系選債法 二」俾左我好多啟示。當中要睇財務報表我覺得非常重要，但是聽到「財務報表」呢四個字，就唔知如何入手了？

看看「財務報表」，當中除了營業額、毛利、盈利、負債、流動現金等較為容易明白外，如果無讀過會計學，其他專有名詞我基本唔明係咩，雖然google 可以咩都搵到，但是想全面少少學習，就唯有睇書！在書店一定可以好容易搵到相關書籍。但我身處外地，唯一辦法只有搵電子書。我想找較容易明白並且針對投資者學習的會計書籍，而不是那些純理論或者為考試目的而設的書籍。找了很久，最後無意中發現一本由台灣作者出的書，很適合我這個「財務報表」初學者。雖然係台灣作者寫的，但沒有太多俚語，很容易明白的。

書名﹕用生活常識就能看懂財務報表   作者﹕林明樟

Google Play Book 最正係可以試睇部分內容，覺得合適就㩒幾掣俾錢買，即時Download 睇。 (唔記得左幾錢，應該係HKD50左右。)

書𥚃書說明損益表(Profit & Loss Statement)、資產負債表(Balance Sheet)及現金流量表(Cash Flow Statement) 係咩及之間的關係，當中作者很強調要看看現金流量表(Cash Flow Statement) ，便可以評估該公司財務狀況是否穩定，我覺得非常有用！

舉例﹕在現金流量表(Cash Flow Statement)中，要睇下「經營活動之現金流量」及「自由現金流量」是否「正數」，投資活活之現金流量及融資活動之現金流量出現「正數」或「負數」都可能是好的因素等等⋯⋯

自從睇完呢本書後，我再睇返唔同公司的財務報表，開始明白了很多，而且覺得睇財務報表去分析一間公司及比較唔同的公司的財務狀況是否穩定是一件很有趣的事情(雖然也很花精神！)。雖然睇完呢本書唔會令你識得估值，但我覺得對於想打好基礎學習估值的朋友也很有用，不妨看看吧！



各Blogger 的投資債券的精選文章﹕

我在IB第一次買債券的流程
http://asam15.blogspot.com/2016/07/ib.html


分享 IB (Interactive brokers) 槓杆買債券及股票一年成績及心得 （下）
https://paulinvesthk.blogspot.com/2018/07/ib-interactive-brokers_10.html

懶系投資法 - 資源篇
http://laxinvest.blogspot.com/2018/06/blog-post.html

我的IB非專業懶人揀債法
https://laxinvest.blogspot.com/2017/03/ib.html

懶系選債法（一）
http://laxinvest.blogspot.com/2018/09/blog-post_10.html


懶系選債法（二）
https://laxinvest.blogspot.com/2018/09/blog-post_94.html

懶系選債法（三）
http://laxinvest.blogspot.com/2018/09/blog-post.html#more

投資組合 - 每月被動收入 (2019)

我的投資組合主要著重收息，希望達至每月有息收作為主要收入，所以集中投資有一定派息政策的公司，包括﹕ REITS、優先股、債券。我怕投資單一資產及在單一市場投資，所以我的投資組合咩都有D。

港股﹕

Aeon credit

HSBC

陽光房地產

朗廷-ss

越秀房產

泓富REITS

HKT trust

中國銀行

農業銀行

中信國際電訊 電能 新加坡股票﹕ Lippo Mall Mapletree NAC Mapletree Industrial 優先股 DKT SSW PRI NSS 債券 GEL CORP 6.0 May15'23 RCII CORP 6.625 Nov15'20 PBI CORP 4.95 Apr01'23 GNW CORP 7.7 Jun15'20 MNK CORP 4.75 Apr15'23 WPG CORP 5.95 Aug15'24 CTL CORP 6.875 Sep15'33 YUM CORP 6.875 Nov15'37 CBL CORP 5.95 Dec15'26 WYNNLV CORP 5.5 Mar01'25 CNSL CORP 6.5 Oct01'22 STX CORP 4.875 Mar01'24 GEL CORP 5.625 May15'24 RRC CORP 5.875 Jul01'22 TMCH CORP 6.625 May15'22 TOYOTA 2.125 Jul18'19 Closed End Fund (CEF) NMZ NZF

眼利的朋友，一定看得出組合內部份的投資與其他blogger相似。我的投資暫是靠抄考別人，當然風險必須自己承擔，有損失一定唔好以怪人😳！！當然抄「襲」前後我自己都會做下功課，唔識估值都起碼睇下個財務報表，知道間公司做咩先投資！

我的投資組合由上年年中開始進行，話說回來真是十份痛苦，因為我唔識估值，究竟幾時入貨好呢？

上年2018年頭的時候HSI升到成33000點，心情很矛盾，究竟會繼續咁升或是跌下又升下；如果我不斷係咁等，手持現金又無主動收入，如何是好！？CASH IS NOT KING！CASH FLOW IS KING！但如果高位入貨，為了每月收息而高位入貨又感覺麻麻，但我根本唔識估值，就算讀了鍾記的「讀財報 學選股 計估值」的書都唔係立即睇得明白！ HSI 33000點 係唔係高位呢？留意我是以恒生指數大市整體來看，個別想投資的股票自己還沒有去慢慢研究！

唔知好彩定唔好彩，終於比我等到個市開始跌下跌下，每次跌約千幾點的時候我就1手2手咁入貨，結果大部分的貨的入市價都比現價低 (不過一日無賣出，根本無話賺定輸☺️) 

被動地計劃財務自由

離開香港，香港的工作都quit 左，去了一個陌生的地方由零開始，沒有工作，沒有收入；雖然當地生活成本較低，但我不願看著銀行戶口的數字不斷下降，如何是好呢？😔

突然有一天，看見止凡的網誌，無意咁入去睇下，我便發現有關被動收入、價值投資、財務自由等資訊；其實「窮爸爸富爸爸」一書我七年前左右都有看過，但始終感覺不大，可能當時都無咩錢，打工仔一名，過著得過且過的日子算了🎶。可是，Cash is Pain! 😂

好彩從止凡網誌內，不同的blogger 的留言及連結，我找到更多不同類型並有用的投資資訊。起初花了好幾個月時間差不多每天 (因為沒有工作）翻閱各blogger 的文章及留言，到日後開左個IB 戶口投資本地REITS、新加坡REITS、優先股及債券等。

有時候人生的道路很特別，當道路上有點阻礙，很像有人會帶你去另一條路 (雖然另一條路未必較原本的路易行) 。由於沒有主動收入的關係，迫使我要學習如何達到財務自由，靠被動收入生活。

雖然現在距離被動收入的目標仍有少少距離，但起碼我見到條路係WORK。當然我也很擔心「我是退潮時候其中一名祼泳的男子」，所以我也不斷學習。看書是一個很好的方法，各大Blogger出的書我都會看，書中自有黃金屋👍一D都無錯！

自己其實無咩「料」學人寫網誌分享，因為我的理財知識都是從各blogger 和其他渠道學習和抄考，連自己的投資組合有很大部份都是抄風兄的😳。不過，從我開始學習做農夫、永續農業(Permeculture)開始，我發現做農夫同財務自由等議題有很多關連性，所以我諗我都可以分享一些「理念」。我所指的「農夫」真係切切實實在泥土上耤種的農夫。在香港可能較難實踐，所以希望各位不要怪我太離地！❤️

再者，除了在網誌上可以分享自己的感受外，我也找不到其他地方可以和別人分享。同屋企人講投資股票，佢地會話我咩都唔識，唔好學人玩投票 (但佢地卻連700騰訊是一間什麼類型的公司都唔知便高位買入低位賣出的人)； 同朋友講買新加坡REITS、優先股等，朋友(1) 沒有任何回應，並且沾沾自喜地話我知抄賣窩輪賺到幾百至千幾蚊的「佳績」，朋友(2) 回應，知你有錢吧，投資優先股、債券好L 叻咩！WHATSAPP 告訴朋友(3) 有關IB或其他証券商可以選擇更多投資產品和更低的外匯價差，卻回來一句OK，沒有下文⋯⋯沒有任何討論，自討沒趣了😔😔