集中港股＋債券/ETD/CEF

上年12月 Short Put了$3.3 中國銀行今年1月尾到期。農曆新年前，仲諗住又可以輕輕鬆鬆收期權金不用接貨，點知⋯⋯

依家轉身做Short Call 同樣價錢2月到期，變得唔值錢了，保證金只有二百蚊左右，叫做好過無😩😩

賣走埋兩年前第一次買的新加坡股票D5IU （Lippo Mall）🙈，扣埋息仲要蝕20% 左右，好彩呢隻係最少注碼。原本諗住賣走埋ME8U，咁就可以打成平手，一次過清晒新加坡股票跟手轉USD清走晒SGD 。但我早前ME8U選擇以股代息，現在有點碎股不能賣出； 還有我發現如果在IB 賣出SGD買入USD （Buy USD.SGD），都係要整數去交易 （無記錯係以100做單位），所以整來整去最後個IB戶口都會有 SGD 剩返。最後對換大部分SGD收返USD，剩返零碎SGD，並保留ME8U，唔理佢收息夠錢便再買入，反正都係好少量，希望日後ME8U可以再以股代息，等夠一手整數便可賣出了。

可能你會諗，無LaLa仲詳搞咁多野，ME8U又唔係差，就算有SGD在戶口都唔係問題吧🧐？

但對我來說，有兩個大問題：

首先，我發覺自己沒有太多時間 （或者係我唔想用太多時間）專注不同的市場的股票，就是定期檢查下債券/ETD/CEF等已經花了很多時間；何況有師兄提過，分散投資不同市場是不能有效分散風險，因為最大的風險是自己的無知，而不是市場或股票本身。所以我寧願集中香港市場，並投資自己比較熟悉及有研究其年報的公司（雖然投資香港公司的股票，其收入來源都不一定是100%來自香港的業務🧐）。提外話，平常已經有8成時間用英文溝通，自己英文又唔係好好； 每當看不同市場股票的資訊便是英文，感覺好累😳；看港股起碼都用返自己的語言，輕鬆少少而且感覺到肉很多👀； 雖然現在不在香港生活，但至少在這裡成長過，有關文化、歷史、政策、民生問題等點都比其他國家的認知好一點吧⋯⋯當然，依家很多人轉投美股、英REIT、SREIT、日股等，我反而開倒車 （其實都唔係完全，至少組合內的債券/ETD/CEF是外國為主😂😂，不過我投資的CEF及ETD嚴格來說應該算是債券而不是股票吧😉）

包括我在內，應該沒有人會嫌錢多。但係知足常樂，自己嘅知識和時間有限，錢永遠都賺唔晒，我只希望這是最適合自己的投資方法吧😅。

其次，最切身的問題是，我的日常生活消費，暫時以HKD或USD計最著數及穩定✌️！