IB 提取歐元，原來唔使手續費。

如果資產主要是港元，在外地生活要用歐元嘅話，我以前只知道最平有以下兩個方法：

• 用渣打的提款咭（不是信用卡），直接在當地嘅ATM提款。（點解要用渣打銀行💁，因為佢冇海外提款嘅手續費。以我所知中銀同匯豐銀行都有海外提款嘅手續費，當然其他銀行我就無Check過）
• 用銀聯信用卡消費。但係銀聯信用卡喺歐洲都唔係好多地方可以用到。而用Visa或者Master嘅話都會收取1%左右嘅手續費。

可能你會話1%唔係好多，或者用提款咭海外提款手續費都是係$15港紙左右。但係小數怕長計，以提款咭在當地嘅ATM提款為例，有啲地方會限制每次提取現金的額量。例如以我居住的地方為例，每次只可提取大約HKD2500，但如果我想提取HKD10,000，即係我要分四次提取，海外提款手續費就變咗HKD60啦（HKD15 X4）。假設一個月，你要用大約HKD10,000生活🧐，咁每個月就要比HKD60手續費，咁一年就大約HKD720了。但係我只係假設你嘅生活用大約HKD10,000，如果你要買車或者比較大額嘅嘢，咁你提取嘅次數就會更多啦🙈。之前有提過如果信用卡大額消費，嗰1%嘅海外手續費都幾襟計㗎。還有，無論是Visa、Master或銀聯的匯率，都比IB 差！😩😩

由於我嘅投資資產主要係港元和美元計，所以我一直都搵緊方法，點樣可以將港元/ 美元轉做歐元喺我居住的地方消費最化算啦？🧐🧐

我有問過當地居住嘅朋友，佢哋好多都係直接喺香港銀行，先用港元轉歐元，再直接匯款歐元到歐洲當地銀行。但咁樣會蝕咗好多，首先就係香港銀行用港元轉歐元嘅匯率差價，另外就係匯款嘅手續費。而且我只係想每個月匯款大約價值一萬蚊港元轉去歐洲的銀行，維持我的生活，所以如果我每個月都匯款嘅話，咁一年匯款嘅手續費就會變得好多好多啦！😏

由於IB嘅匯率應該係最好 (以我這些平民能夠開的戶口為例😅）；所以我先將IB裏面嘅港元或者美元轉做歐元，之後由IB匯款到歐洲嘅銀行。近日申請個Revolut虛擬銀行戶口，呢個係英國註冊嘅虛擬銀行。開戶過程全免，只需3分鐘就搞掂，真係非常快捷👍👍（有人話用BNO 都可以申請，我唔肯定，請自行Google）

以下係我由IB匯款5000歐元到Revolut嘅戶口；初頭我都以為會有中間銀會收匯款嘅手續費之類 （因為之前我試過有IB匯款美元到香港的中銀戶口，總共大約收咗我USD28😩），點知一蚊都冇收到，而且第二日就可以收到匯款了！(如果我喺歐洲時間早上11點之前匯款，可能當日都已經收到了。)

總結：我沒有同IB或者Revolut賣廣告，不過我發現用IB除咗投資方便有用之外，喺生活上嘅財務處理原來都有好大用處。而Revolut，就方便快捷，又可以申請虛擬信用卡，仲可以買賣虛擬貨幣😳，又唔使每月比手續費。因為歐洲好多銀行，無論你係用ATM攞錢、過錢比人哋、支付或者擺喺度乜都唔用，佢哋每個月都會收取手續費。習慣香港嘅免費銀行服務，真係好難理解嘅。

另外，關於IB匯入匯出到不同銀行而產生的費用，我有以下經驗供大家參考，不過唔同銀行的收費條款會隨時更新，好似HSBC近期取消多種收費，IB又好似轉左其他代理銀行之類⋯⋯

匯入IB：

港元： HSBC （一般戶口） 免費； 中銀香港（一般戶口）收HKD 50

美元：中銀香港（一般戶口）收USD21

從IB匯出：

港元： HSBC（一般戶口） 免費

美元：中銀香港（一般戶口）收USD28 （其實中銀香港只收USD8； 另外USD20 是由中間銀收的）

歐元：Revolut 免費 （可能同「單一歐元支付區SEPA」有關，所以我諗用其他的歐洲銀行都可能免費，唔肯定）